Музычная праграма гурта “Сарматы” “Сармацкі рок”

Вясна напоўніцу ўступае ў свае правы. Літаратурны музей прапануе сустрэць яе гучна і яскрава з крутой музыкай і ў непаўторнай атмасферы! Зробім гэта разам з народным фальклорным ансамблем “Сарматы”!

14 сакавіка запрашаем у музей на “Сармацкі рок”!
 

“Сарматы” адметныя багатым вакальна-інструментальным складнікам, яркімі канцэртнымі строямі і арыгінальным рокавым гучаннем. У фольк-рок апрацоўцы загучаць песні на словы беларускіх літаратараў: Рыгора Барадуліна, Алеся Пісьмянкова, Янкі Купалы, Уладзіслава Сыракомлі, Паўлюка Труса, а таксама беларускія народныя песні Усё гэта і ёсць – сармацкі рок! Будзе і класіка: творы з Полацкага сшытка і італьянскія мелодыі XVI стагоддзя кампазітара Джакама Гастольдзі.
 

Шчыра запрашаем акунуцца ў музычную плынь розных эпох!

 

Пачатак: 17:00.

Кошт білетаў: 20 рублёў.

Узроставая катэгорыя: 12+.

Тэлефон для даведак: +375 17363 56 21.

Адрас: вул. М.Багдановіча, 13.